P5-Milyon ang pabuya para sa ikadadakip ni Ozamiz City Councilor Ricardo Parojinog

Matatandaang inatasan ni Department of Justice Secretary Vitaliano Aguirre II ang Bureau of Immigration (BI) na bantayan si Ozamiz City Councilor Ricardo “Arthur” Parojinog dahil baka magtangka itong lumabas ng bansa.

Agosto 4, 2017 nang nagpalabas si Aguirre ng immigration lookout bulletin order, limang araw matapos ang raid sa bahay ng pamilya Parojinog. Wala sa kaniyang bahay si Ricardo nang pasukin ito ng otoridad.

Isa ang bahay ng Councilor Ricardo Parojinog sa hinainan ng search warrant kaugnay sa illegal possession of firearms and ammunition.

Sa paghahalughog ng otoridad sa kanyang bahay, nakakuha ang sila ng shabu at mga drug paraphernalia, tatlong rocket-propelled grenade launchers, dalawang hand grenades, M79 ammunition at isang shotgun.

Itinaas na ni Pangulong Rodrigo Dutete sa limang milyong piso ang pabuya sa makakahuli o makapagtuturo sa kinaroroonan ni Ozamiz City Councilor Ricardo “Arthur” Parojinog.