Watch: Arturo Lascañas, lumayas na ng Pilipinas dahil sa takot na makasuhan

Palihim na umalis ng Pilipinas papuntang Singapore ang Davao self-confessed killer na si Arthur "Arturo" Lascañas, kinompirma ito ng Bureau of Immigration (BI) Linggo.

Ayon sa ulat ng Philippine Daily Inquirer, umalis ng bansa si Lascañas dahil nakatanggap umano ito ng mga banta na sasampahan siya ng kaso at may mga tao rin daw na naghahanap sa kanya, kaya minabuti na lamang daw niyang pansamantalang umalis ng Pilipinas.

Bagamat alam naman na raw ng gobyerno kung saan siya tutungo dahil kamakailan lang ay naghain siya ng kanyang immigration form, mainam na raw na huwag na muna niyang sasabihin kung saan man siya sa nananatili ngayon.

Matatandaan na kamakailan lang ay bumaliktad si Lascañas sa kanyang mga naging pahayag sa pagdinig sa senado noong nakaraang taon, kung saan itinanggi niyang miyembro siya ng Davao Death Squad, gayundin ang mga alegasyon ng isa pang self-confessed DDS member na si Edgar Matobato.

Watch the video below: